Наједноставно би било да се каже дека тоа е разговор, бидејќи во хипнозата сте свесни и
будни. Единствената разлика е во тоа што сите одговори доаѓаат од вашата потсвест, па
разговорот се одвива помеѓу вас, хипнотерапевтот, и вашата потсвест. Вие ќе се сеќавате
на сè по сесијата, но ќе имате впечаток дека изворот од кој доаѓаат информациите за
време на сесијата се разликува во однос на тоа како ја перцепирате вашата секојдневна
комуникација кога користите физички чула и логички ум. Наједноставно кажано, ќе имате
впечаток дека добивате информации од некаде 'внатре'.

Воведен разговор

На почетокот на нашиот состанок, ќе ја дефинираме вашата тема и накратко ќе
разговараме за тоа како таа се манифестира во вашиот живот. Ќе ви објаснам како ќе оди
процесот. Овој воведен разговор ви овозможува да се опуштите и да поставувате
прашања. Важно е да се чувствувате удобно и безбедно за да влезете во процесот со
доверба.

Влегување во состојба на хипноза

Потоа ќе ве запознаам со состојбата на хипноза, која е состојба на длабока физичка и
ментална релаксација која ќе ја поттикнам со помош на зборови. Ќе ги затворите очите,
но ќе бидете целосно свесни. Во хипнотичка состојба, не можете да ми кажете нешто што
не сакате, ниту можам да ви предложам да кажете или да направите нешто што не сакате.

Разговор со потсвеста

Кога сте во хипноза, започнувам разговор со потсвесниот дел од вашиот ум. Ќе ги
истражиме длабоко вкоренетите емоционални и мисловни обрасци кои ги обликувале
вашите потсвесни верувања и придонеле за вашите проблеми. Информациите што ќе ги
добиеме ќе бидат клучни за разбирање на причините зошто темата со која се занимаваме
дојде во вашиот живот. Ова се највредните сознанија што ќе ги добиете во хипнозата.

Добивање насоки

Длабоката интегративна терапија е единствена по тоа што сите одговори доаѓаат од вас.
Тука сум да ве поврзам и да ве водам. Во последниот дел од сесијата ве поврзувам со
надсвесниот дел од вашиот ум (повисокото јас или над јас) и потоа добивате детални
инструкции и насоки кои ќе ви помогнат полесно и побрзо да го решите проблемот.

Крај на сесијата

Откако ќе заврши целиот процес на истражување, ќе ве вратам во вашата будна состојба.
Тоа е време кога разменуваме впечатоци, разговараме за одговорите што ви ги дала
вашата потсвест и соодветно на тоа за чекорите што треба да ги преземете во наредниот
период за да дојде до промена, односно вашиот проблем да исчезне.